Davao City- Nipadayag sa iyahang pasalamat si Southern Philippines Medical Center kun SPMC chief Dr. Leopoldo Vega ngadto kang Davao City Mayor Sara Duterte.
Kini human nga gihatag sa mayor ang usa ka tuig nga sweldo niini silbing trust fund ngadto sa mga magpositibo sa COVID-19 nga mga SPMC employees.
Mokabat sa P2.1M ang kantidad sa sweldo sa mayor nga himuong trust fund alang sa mga magpositibo sa COVID-19 nga mga empleyado sa (SPMC) ug muhatag kini’g tag P50,000 kanila.
“It’s a very touching effort of our mayor to do that and think of our frontliners and not just for our frontliners but people working in the hospital,” matud niini.
Adunay 12 ka mga SPMC employees ang nagpositibo COVID-19, 8 ka mga doktor ug nurses samtang 4 ka mga administrative personnel diin duha kanila ang nipanaw.
Subay niini sumala ni Mayor Sara Duterte nga tanang mga magpositibong empleyado: contractual, job order o sakop sa agency nga ang mudawat sa tabang nga gikan sa trust fund.
“Gipangayo nako sa office ni Dr. Vega our chief of hospital ang ilahang mga address ug ang ilahang mga contact numbers. Duna miy listahan diri of 12 individuals and then mag reach out mi sa ilaha through their contact numbers kundili man sa ilahang address. Mangayo mi sa ilahang bank accounts ug i-deposit namo,”
Samtang, nagpabilin pa gihapong naka-confine ang 3 ka mga SPMC workers nga nagpositibo sa COVID-19.
“They are improving and waiting for a negative swab,” sumala ni Vega.
RadyoMaN Aimee Guinita
