Davao City- Wala pay resulta sa gipadalang samples sa Southern Philippines Medical Center (SPMC) ngadto sa Philippine Genome Center aron masuta kung nakasulod sad ba ang South African COVID variant sa syudad.
Nabalaka si SPMC chief Dr. Ricardo Audan kung adunay makasulod nga South African variant sa dakbayan tungod sa paspas kining mukaylap.
“Atong kahadlukan man gud nga makasulod ang South African variant, actually ang data sa SPMC medyo nagamubo, actually this is a good sign nga gamay ang atong admission,” sumala niini.
Matud ni Audan, sa kasamtangan nikunhod ang admission sa mga COVID-19 patients sa SPMC.
Sa gihatag nga datus niini March 5 ang ICU adunay 50%, Ward 52%, March 6 58% ang ICU occupancy, Ward 43% ug March 7 ICU 77% samtang 44% ang ward occupancy.
Nanawagan si Audan sa publiko nga dili mag-relax sa pagsunod sa health protocols ug giawhag niini ang pagpabakuna aron mapugngan ang pagkuyanap sa COVID-19 ug lakip na mga variants.
(Aimee Guinita)
