Davao City – Gikatakdang magbaton na og testing kits sa Coronavirus Disease 2019 (COVID)-19 ang Southern Philippines Medical Center (SPMC) diin gikonsidera usab ang ospital isip usa sa mga sub-national laboratories sa nasud.
Sa interbyu sa DXDC RMN Davao kang Dr. Ricardo Audan, SPMC Chief of Clinics, gibutyag niini nga posibleng muabot ang maong testing kits sa sunod semana diin mas mapadali na unya ang pagsuta kung negatibo o positibo ang usa ka indibidwal nga nagbaton sa simtomas sa COVID-19.
“Sa third week of March daw [muabot ang COVID-19 testing kit]. Well, ang test can only take two to four hours,” saysay ni Audan.
Una nang gipaniguro sa Philippine Health Insurance Corporation (PhilHealth) nga tubagon niini ang gasto sa COVID-testing subay usab sa direktiba ni Presidente Rodrigo Duterte aron dili na mahimong problema ang gasto niadtong mga pasyente sa COVID-19.
RadyoMaN Kirby Manzon
