Davao City – Gikanayon ni Southern Philippines Medical Center (SPMC) Hospital Chief Dr. Leopoldo Vega nga luwas na sa peligro ang pipila sa mga frontliners nga na-igo sa 2019 corona disease kon COVID-19.
Matud ni Vega, aduna na’y mga frontliners kon staff ang nakagawas o discharge na human naayo sa sakit ug pipila na lamang ang padayon nagpatambal sa ospital ning kasamtangan.
Hinoon giangkon ni Vega nga dunay usa nadugang apan mild lamang ang sintomas.
Una nang naayo ang tulo sa 12 ka frontliner sa SPMC gikan sa sakit nga COVID-19 sa miaging semana.
Kahinumdoman, gidonar ni Mayor Inday Sara Duterte ang tibuok tuig niyang sweldo nga mukabat sa kapin dos milyones ka pesos aron itabang sa mga frontliners nga magpositibo kon masakit sa COVID-19.
RadyoMaN Joel Viray
