Davao City – Gipaniguro sa Southern Philippines Medical Center (SPMC) nga sila na ang mutubag sa galastuhon human nadisgrasya ang anaa sa 10 ka mga personahe sa ospital human natumba ang gisakyang shuttle sa Bypass Road, Diversion Road Davao City, pasado ala una kaadlawon niadtong Lunes (Disyembre 28, 2020).
Sa interbyu sa DXDC RMN Davao kang Dr. Ricardo Audan, Office-In-Charge (OIC) sa SPMC, gibutyag niini nga na-discharge na ang walo ka mga pasyente, samtang luwas na usab ang usa ka mabdos ug ang baby niini. Mipailawom usab sa operasyon ang usa ka nurse attendant nga nakahiagom og dako’ng samad sa iyang kamot o nagkahiagom og fracture.
“We give all the necessary needs sa pasyente. Even sa amo, kami na mo-take charge sa mga gastuson,” matud ni Audan.
Nasayran nga nawad-an og kontrol ang driver sa bus tungod na usab sa ulan ug danlog nga dalan niadtong panahona diin kini mag atubang og kasong reckless imprudence resulting to damage to property and physical injuries tungod sa insidente.
RadyoMaN Kirby Manzon
