SPMC: RT-PCR alang sa magpa-admit ipatuman gihapon

Davao City- Ipatuman gihapon sa Southern Philippines Medical Center (SPMC) ang pag-require og RT PCR test alang sa mga pasyenteng i-admit sa hospital.

Segun kini Dr. Ricardo Audan, SPMC chief, bisan pa ma’g fully vaccinated ang usa ka pasyente nagpabilin gihapon ang hulga sa COVID-19.

“Even fully vaccinated nagka-COVID gihapon, this is also way of segregating dayon tong naa man gud sa E.R. (Emergency Room) for COVID and non COVID, mas okay kung mas early mahibaw-an namo nga even vaccinated sila nga COVID (positive) sila kay lahi man gud nag pag-manage sa ilaha,” matud ni Audan.

Subay niini, sumala ni Audan required lang ang face shields sa SPMC Outpatient Department (OPD), ward ug sa ICU.

Gibutyag ni Audan sulod sa usa ka bulan nikunhod og kapin 50% ang admission sa COVID-19 patients sa SPMC.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>