Davao City – Bisan og prayoridad ang pag-atiman sa mga magpositibo kun nagpositibo sa 2019 corona virus disease kon COVID-19, apan wala muhunong ang serbisyo medikal sa Southern Philippines Medical Center alang sa ubang mga masakiton nga gusto magpatambal sa ospital.
Kini ang giklaro ni SPMC Hospital Chief Dr. Leopoldo Vega atol sa pakighinabi ni Radyoman June Duterte sa programang Straight to the Point karong adlawa.
Giingon ni Vega, nagpadayon ang ilang pagdawat ug pag-atiman sa ubang mga masakiton sama sa mga magpa-dialysis, manganak, ug uban pa nga mudangop kanila sa SPMC.
Gipasabot sa Hospital Chief nga dili nila puwede hunungon ang paghatag og serbisyo medical sa ubang mga masakiton kay daghan ang madisgrasya nga kinabuhi.
Kahinumdoman, gipa-undang ni Vega ang serbisyo sa outpatient department kon OPD sa katuyoan nga dili matakdan sa virus ang ilang mga pasyente maingon man sa mga kabanay ug mga magbisita sa ospital.
RadyoMaN Joel Viray
