Davao City – Dili muubos sa 70 pa ka mga patayng lawas sa COVID-19 patients ang anaa pa karon sa morgue o sa Refrigerated container van sa Southern Philippines Medical Center (SPMC).
Nanawagan si SPMC chief Dr. Ricardo Audan sa mga kabanay sa mga dead bodies nga asikasuhon ang mga cadavers aron ma-cremate na kini.
Adunay mga pamilya ang nihangyo nga dili ipaapil sa mass burial ang ilahang mga pasyenteng namatay sa COVID-19 tungod usab naka-quarantine sila.
Gibutyag ni Audan adunay 1 unidentified pa nga patayng lawas sa COVID-19 patient, 32 ang gina-proseso pa para sa cremation samtang adunay ginahulat pa nga resulta sa swab result ug 3 ang alang sa force burial.
Matud ni Audan, nakigkoordinar ang SPMC sa lokal nga panggamhanan sa Davao para sa mass grave kung dili gihapon i-claim ang mga cadavers.
“Ang SPMC na-worry sa mga cadavers nga unclaimed karon medyo ubay-ubay na pod ni. Kabalo ko ang nga ang uban na quarantine ang immediate family pero dili ta magsalig sa immediate family kay naa pay mga daghang relatives. Unta makuha na ninyo ang lawas para malubong, ma-cremate ug ma-decongest na pod atong fan freezer para sa cadavers,” sumala niini.
Sumala ni Audan kayang makaakomodar og 105 ka mga COVID-19 cadavers ang 40-foot airconditioned container van sa SPMC.
RadyoMaN Aimee Guinita
