Sa interbyu sa DXDC RMN Davao kang Dr. Ricardo Audan, SPMC chief, sukad Enero 4, 2022 anaa sa 199 ang nagpositibo sa COVID-19 sa ilang mga personahe ug 135 karon ang aktibo nilang kaso.
Gibutyag ni Audan, samtang padayon ang pagdagsa sa mga pasyente sa SPMC naglisod sila sa pag-expand tungod kulang ang mga personaheng ma-deploy sa matag COVID-19 wards ug ICU beds. Gilantaw ni Audan, ang pagsutoy sa mga kaso tungod usab sa Omicron variant of concern.
Nangayo si Audan og assistance nga health workers sa AFP, PNP ug BFP para dugang pwersa sa SPMC.
Gihangyo usab niini ang ubang mga pasyente adunay kaya sa kinabuhi nga magpa-confine na lang sa uban pang mga hospital.
Samtang, sa January 19 nga datos sa SPMC 60 ang bag-ong nagpositibo, 22 ang nakarekober ug 2 ang namatay.
Sa 87 COVID-19 ICU beds, 55 ang admission samtamg 100% puno na ang COVID-19 ward nga adunay 346 beds.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
