Nahatud na sa iyang katapusang pahulayan ang kontrobersiyal nga pulis nga si SPO1 Adonis Dumpit sa Carreta Cemetery .
Sama sa unang gipahibawo sa liderato sa PNP , way gihatag nga police honors alang kang Dumpit human kini ilambigit sa operasyon sa ilegal nga drugas .
Way bisan usa usab ka aktibo nga pulis ,kauban ba niya o higala ni Dumpit sa serbisyo nga nitambong sa misa sa Cebu Metropolitan Cathedral ug sa lubong sa Carreta .
Wa sila did-i sa pagtambong sa haya ug lubong apan nahadlok silang piktyuran .
Si Cebu City Mayor Tomas Osmeña namahayag hinoon nga wa kinahanglana ni Dumpit ang police honors sa iyang lubong , tungod kay ang paghinumdum ug suporta sa mga Sugbuanon ngadto kaniya igo nang matawag nga dakung pasidungog alang niya.
Si Dumpit napatay sa mga operatiba sa kapolisan ug National Bureau of Investigation sa Bohol niadtong Hunyo 27.
