Hugtanon karon ang pagpatuman sa kapulisan sa dipolog mahitungod sa no helmet, no license, no plate number travel policy.
Ilabi na nga daghan ang mga na disgrasya ug nangamatay nga mga motorista dinhi sa atong dakbayan, alayon na usab kini sa kamanduan sa DILG nga sugod niadtong oktubre 1 ning tuiga ipatuman na ang pagsul-ob sa helmet.
Matod pa ni SPO4 Zotico Calago nga kung madakpan ang mga motorista sa kapulisan maka multa kini ug 500 ka pesos subay na usab kini sa city ordinance. Apan kung taga LTO ang mo dakop maka multa sa P1000.
Gani kini nga balaod nationwide man lauman matod pa nga adunay taga LTO, HPG, Pulis ug mga traffic enforcer ang manakop niini. Dili usab pwede nga suoton ang construction helmet, ni helmet sa bisekleta.
Butyag pa ni SPO4 Calago nga karong semanaha dili pa kaayo higpit ang pagpatuman tungod kay aron tagaan pa ug higayon ang mga motorista, pero karong sunod semana lauman nga pahugtan na gayod ang pagpatuman sa pagsuot ug helmet.
Angay usab nga timan-an sa mga motorista nga 24 oras ang pagpatuman sa mga tinugyanan may kalabutan sa helmet.
Naghangyo usab si Calago sa mga katawhan sa Dipolog, bisan paman ang mga dumoduong nga magsuot gayod ug helmet alang na usab sa ilang kaayuhan.
