Davao City – Kanselado o Postponed.
Dako ang nahimong epekto sa COVID-19 pandemic sa nataran sa paugnat sa kusog sukad ang World War 2.
Usa na dinhi ang 2020 Summer Olympics sa Tokyo nga nasibog sa tuig 2021.
Niadtong Marso 11, 2020 gipahunong usab sa National Basketball Association (NBA) ang maong season human sa 64 ka dula tungod sa hulga sa COVID-19.
Apan human sa lima ka bulan uban ang 22 top teams nga gi-isolate sulod sa NBA ‘bubble’ nahimutang sa Orlando, Florida nagmalampuson ang maong season.
Sumala ni Philippine Academy of Sakya Davao Inc. (PASDI) basketball head coach Rolando Sancho, dakong tabang ang ‘bubble’ aron malikay sa pagkatakod ang mga players ug staff sa NBA playoff.
“Naka bubble sila kasi kumpleto yung nasa loob. Nandun yung medical team ng bawat team, medical team ng government, nandun din yung medical team ng venue, very strict sila everyday mayroong swabbing, disinfected ‘yung court, lahat ng lugar na pwedeng puntahan ng players mayroong protocol talaga na sinusunod,” segun ni Sancho.
And speaking of NBA, usa sa gi-storyahan sa tuig 2020 ang kamatayon ni NBA legend Kobe Bryant kinsa nahimong inspirasyon sa mga kabataan ng mas mumaayo dili lang sa sports apan sa ilang pagkatawo.
“One of a kind si Kobe Bryant kung titingnan mo yung history ng basketball… gustong-gusto kong gawing inspirasyon si Kobe kasi kahit may mga mali siya sa buhay, nandun pa rin yung positivity ng pagkatao nya dun sa kabataan… Yung attitude niya (sa paglalaro) ay parang lason sa kalaro niya at ito’y parang gamot na nakaka adik sa mga kabataan na kailangang maging disiplinado sa game at sa sarili,” saysay sa basketball coach sulod sa 24 ka tuig.
Gawas usab sa NBA, wala kapugong ang COVID-19 sa pagpahigayon sa US Presidential Elections diin migula nga kini ang pinakataas og voting turnout sa pila na ka century nga milabay diin midaug si Joseph R. Biden Jr. batok sa kontrobersyal nga outgoing-President Donald Trump.
Base sa usa ka pagtuon sa IZA Institute of Labor Economics nga gititulohang ‘The COVID-19 Pandemic and the 2020 U.S. Presidential Election,’ migula nga posible unta mulahos sa ikaduhang termino si Trump kung mas mibaba og 5% ang COVID-19 cases sa Estados Unidos diin nahimong negatibo ang panglantaw sa US citizens ngadto sa pagdumala niini sa pagpakgang sa maong kagaw dili susama sa ubang kanasuran.
Tuod man, dakong hagit ang COVID-19 pandemic sa managlahing aspeto sama sa sports ug politika.
Gani samtang wala pay bakuna kontra niini, mag-agad kita sa pagdumala sa atong gobyerno nga kita mismo nagbutang kanila sa pwesto.
RadyoMaN Jason Amisola
