Plano ngayon ng Blackwater Elite na i-trade ang nakuha nilang second overall pick ng 2018 PBA Rookie Draft na si Ray Parks Jr. sa pamamagitan ng three-team deal mula sa Meralco at TNT.
Unang ipinamigay ng Elite si Parks Jr. sa Meralco kung saan makukuha naman nila sina Jericho Cruz at Brian Heruela na mula sa TNT.
Habang ang KaTropa ay makukuha naman ang point guard ng Bolts na si Baser Amer.
Samantala, nakagawa ng bagong record sa NBA si Golden State Warriors star Stephen Curry matapos kanilang panalo kontra Memphis Grizzlies sa score na 110-93.
Nabatid na kasama na si Curry sa 15,000 points club ng Warriors kung saan siya ang ikalimang player na nakagawa nito sa regular season kasunod nina Wilt Chamberlain, Rick Barry, Paul Arizin at Chris Mullin.
