Davao City – Buot ipasabot ni Davao City Mayor Inday Sara Duterte-Carpio ngadto sa mga batang atleta nga dili lang ang madaugan sa mga sports ang importanteng mahinumduman sama nalang sa mga nasakmit nga kadaugan sa gipahigayong Davao Region Athletic Association kun DAVRAA Meet 2018 dinhi sa dakbayan sa Davao.
Kini ang giingon sa alkalde human niya gi-congratulate ang Davao City Durians tungod nagpabilin gihapon kini karong mga panahona sa rank 1 apan matud niya nga mas importante gihapon ang sportsmanship, panaghigalaay ug panag-uban nga mamugna tali sa managlaing mga atleta o delegados gikan sa nagkalain-laing bahin sa Rehiyon XI.
Dugang sa alkalde nga bisan unsa pa ang nakab-ot o resulta sa maong paugnat sa kusog, dili kalimtan nga importante ang ma-enjoy sa mga padula ug makahulma og mga memorya kauban ang mga delegados sa DAVRAA.
Karong adlawa ang ulahing adlaw sa maong paugnat sa kusog ug gikumpirma ni Mayor Inday nga mutambong kini sa closing ceremony.
RadyoMaN Renz Barbarona
