Davao City – Padayon gihapon nga suportahan sa Commission on Higher Education (CHED) ang mga estudyante nga naka-avail nang daan sa ilang scholarship.
Sa One Davao on COVID-19 Virtual Presser pinaagi sa Philippine Information Agency (PIA) Davao Region, gibutyag ni CHED-XI Spokesperson Dr. Luis Perez nga bisan og walay bag-ong slots sa merit-based scholarship program karon nga tuig, padayong makadawat og financial aid ang daang mga scholars.
“Kadtong mga on going, previously ug kadtong last year we continue paying them. Medyo delayed lang pud gamay. In fact, dili pa tanan pud na-release sa Department of Budget and Management,” butyag ni Perez.
Gipasabot sa CHED official nga ilaha nalang gipaabot ang maong budget diin nasabtan niini nga na-delatar kini tungod sa sitwasyon karon sa Coronavirus Disease 2019 (COVID-19).
RadyoMaN Kirby Manzon
