Gin-relieve na epektibo kahapon, Agosto 28, 2017 si ICPO Director Sr. Supt. Remus Zacharias Canieso.
Ini ang ginkumpirmar mismo ni Canieso matapos mabaton alas 5 kaina sang hapon ang relief order gikan sa Police Regional Office 6 base man sa Direktiba gikan sa PNP national Headquarters.
Ang relief order ni Canieso naguwa kasunod sang pag-assign ni Presidente Rodrigo Duterte kay Police Chief Inspector Jovie Espenido diri sa Iloilo.
Sa pihak sini, ginpahayag ni Canieso nga ang pag-relieve sa iya kabahin lamang sang normal movement sang PNP kag wala sang kahilabtanan sa assignment ni Espenido diri sa Iloilo.
Ginhatagan pagtamod ni Canieso nga ang magapungko nga City Director ang dapat nagarangko sang Sr. Supt.
Bangud sini, temporaryo nga magapungko bilang OIC City Director si Deputy Director for Operations Sr. Supt. Jesus Cambay.
Iga-assign naman si Canieso didto sa ARMM.
Lubos ang pagpasalamat ni Canieso sa mga Ilonggo nga iya naserbisyuhan bilang City Director sang ICPO.(sspunay)
