Nagpagawas na sa standard retail price kada-piraso sa face shield ang Department of Health.
Sa memorandum 2020-0345 sa DOH nga pirmado ni Secretary Francisco Duque III, nga angayang magdula lamang gikan sa P26.00 hangtod P50.00 kada usa ka face shield.
Gumikan kini sa mandatoryong pagsuot sa mga pasahero pampublikong sakyanan sugod sa Agosto 15.
Nakalatid usab sa maong memorandum ang specifications sa maong face shields sama sa angayang hinimo kini sa clear plastic o acetate material nga maghatag ug good visibility sa mugamit.
Angayan nga fog resistant, adjustable bant para mahimong hulma kini sa ulo ug komportableng nakadikit sa agtang.
Kinahanglan usab nga matabunan ang tibook nawong nga hinimo sa lig-on nga materyales ug dali nga limpiyuhan.
Tugutan usab sa DOH ang pagtaas sa hangtod 10% kung ibaligya kini sa Visayas ug Mindanao para madugangan ang gasto sa pagbiyahe.
