Davao City – Doble ang madawat sa usa ka empleyado nga Social Security System kun SSS member panahon nga madisgrasya, magkasakit o mamatay tungod o subay sa iyang trabaho.
Sa pakighinabi ni RadyoMaN Misel Miral-Galve kang Greta Quayle sa SSS Davao atol sa tulumanong Serbisyong Straight to the Point, gipasabot niini ang bahin sa Employees’ Compensation (EC) program diin sumala niya ang maong programa alang ngadto sa mga empleyadong miyembro sa SSS nga madisgrasya, masakit ingon man mamatay.
Dugang pagpasabot ni Quayle pinaagi sa usa ka scenario mao ang sama sa pagtrabaho sa usa ka empleyado sulod sa chemical company nga nagkasakit gumikan sa trabaho diin og mapamatud-an human sa imbestigasyon, mamahimong makadawat og cash benefit sa EC ang trabahante lahi usab ang benepisyo gikan mismo sa SSS.
Matud pa ang maong programa adunay exemptions sama sa suicide incident sulod sa opisina ug nadisgrasya tungod sa intoxication kun lango sa bino atol sa trabaho, pauli o padulong sa trabahuan.
RadyoMaN Renz Barbarona
