Davao City – Anaa sa 30 ngadto sa 40 ka mga kaso ang gina-file matag bulan sa Social Security System (SSS) batok sa mga delinquent employers kun mga negosyanteng pakyas sa pag-remit sa balayronon sa gobyerno ug kadtong adunat gisagubang nga mga penalties.
Kini maoy gibutyag ni SSS senior analyst Greta Fe Quayle atol sa gipahigayong Kapehan sa Davao karong adlawa kinsa nitug-an nga sagad kanila mo-comply lamang sa panahon nga aduna na silay warrant of arrest ug aduna na usay resolusyon ang korte.
Segun ni Quayle, sagad rason sa kaso mao ang wala pag-remit sa mga bookkeepers sa hustong bayronon diin kini posibleng ilang gikawat.
Gipasabot usab sa account officer sa SSS nga kung ma-convict, lisud na kini i-proseso ug mamahimong mu-comply na lamang sa order sa korte.
Kasong estafa ug violation of SSS Law ang atubangon sa mga malapason diin pwedeng mabilanggo sulod sa unom ka tuig ug usa ka adlaw nga pwedeng mapyansahan sa kantidad nga P24,000.
RadyoMaN Jason Amisola
