Davao City – Gilugwayan sa Social Security System (SSS) ang deadline sa loan restructuring program.
Kini ang dala nga maayong balita ni Greta Quayle sa SSS-Davao atol sa pakighinabi kaniya ni RadyoMaN Misel Miral-Galve atol sa tulumanong Serbisyong Straight to the Point.
Sumala ni Quayle nga extended ang maong programa hangtod April 2019 diin matud pa ginalantaw nila nga rason ang paglugway niini mao ang daghan ang mihangyo ug ubay-ubay usab ang wala naka-apply niini.
Gipahinumduman sa SSS Davao ang mga SSS members nga ang maong programa alang ngadto sa mga miyembro nga adunay loan ug unpaid obligations diin matud pa nga mahatagan og higayon nga maasikaso kini aron dili madeduksyonan ang mga miyembro sa ilang retirement puhon.
RadyoMaN Renz Barbarona
