SSS nag-offer na og maternity service pinaagi sa text

Ang Social Security System (SSS) ni-anunsyo sa publiko nga ang ilang miyembro nga babaye nga voluntary ug self-employed pwede nang mogamit sa Text-SSS facility sa pagsumitar sa ilang maternity notifications tungod kay usa kini sa paagi sa SSS para makahatag og maayong serbisyo sa katawhan.
Si SSS President ug Chief Executive Emmanuel F. Dooc niingon nga ang Text-SSS facility dako kaayo og tabang sa mga individually-paying members para sa pagpahibaw sa ilang pagpanganak kaysa sa ilang buhaton sauna na moadto deretso sa SSS branch.

“With just one text away, expecting mothers can now inform SSS of their pregnancy. It is more convenient for them since they no longer need to go to SSS personally to comply with the notification requirement,” matud pa ni Dooc sa iyang statement nga gipagawas sa SSS Cebu Information Section.

Nidugang si Dooc nga para sa mga miyembro sa SSS dili na kinahanglan nga mosumitar og proof sa ilang pagpanganak kung magpahibawo sila sa SSS pinaagi sa Text-SSS facility pero ilang proof of pregnancy kinahanglan gihapong isumitar sa SSS kung sila mo-apply na para sa reimbursement sa ilang maternity benefit.


Giklaro sa ahensya sa SSS nga ang maternity notification via Text-SSS para ra sa individually-paying members sa pagkakaron. Ang employed members mo-pahibawo gihapon sa SSS pinaagi sa ilang employers.

Ania ang format sa pagsumitar sa maternity notification via text message: SSS MATERNITYNOTIF ug i-send sa 2600.

Dili lang kay Text-SSS facility ang option sa mga miyembro para mag-send og maternity notifications sa SSS kay pwede pud sa online thru My.SSS portal sa SSS website.

“Text-SSS and online facilities are our answer to the growing need of members for a more convenient and accessible means of transacting with SSS for their maternity claims. Rest assured that SSS will also devise more friendly means for other benefits,” suma pa ni Dooc.

Facebook Comments