Davao City – Dili na matud pa pwede mukuha og bag-o o laing Social Security System kun SSS number.
Kini ang giklaro ni Greta Quayle sa SSS Davao atol sa interview kaniya ni RadyoMaN Misel Miral-Galve sa tulumanong Serbisyong Straight to the Point.
Sumala ni Quayle, nga og aduna nay existing number, mao na kadto ang perpetual kun permanenteng SSS number apan og adunay sitwasyon nga nadoble ang pagkuha niini, mamahimong muadto sa pinakaduol sa nga SSS office aron ipa-cancel ang usa ka number.
Sa panahon nga walay kopya ang miyembro o wala mahibalo sa number, mamahimo usab kini ipacheck sa SSS office ug magdala lang og bisan unsang IDs.
Dugang pa nga og nahulugan ang duha ka number ilawom sa usa ra ka pangalan sa miyembro, dili matud pa kini angay kabalak-an gumikan pwede kini ma-consolidate o maisa ang kontribusyon nga nahulog sa SSS.
RadyoMaN Renz Barbarona
