Davao City – Mokabat na sa P3M ang kantidad nga nahatag sa Social Security System (SSS) ngadto sa pamilya sa 38 ka mga namatay sa nahitabong sunog sa NCCC mall nga pulos SSS benefeciaries.
Kini ang gibutyag ni SSS Regional Information Officer Mario Daray sa Kapehan sa Davao diin gibutyag niini nga gihatagan og prayoridad ang funeral ug death applications sa mga biktima alang sa ilang funeral needs.
Sumala ni Daray, nakabayad na ang pension fund og P862,606.15 worth of funeral grant ngadto sa pamilya sa mga biktima samtang mokabat sa P2.4M worth of death benefits ang na-release alang sa 36 ka mga benefeciaries.
Gipasabot ni Daray nga wala pa naka-file ang duha ka mga pamilya sa biktima sa sunog nga nasayran nga nanimuyo gawas sa syudad sa Davao.
RadyoMaN Jason Amisola
