SSS pensioners sa NIR nakabaton na sang ila P1,000 increase

63

Bacolod City – Naglab-ot sa 160,225 ka mga Social Security System (SSS) pensioners sa Negros Island Region (NIR) ang nakabaton na sang ila retroactive increase nga P1,000 sang Marso 3, Biyernes.


Suno kay Janice Diaz, ang senior communications analyst sang SSS Visayas West I Division, nga kabahin ini sang ila pagtuman sa ginkasugtan matapos nga aprobado na ini ni President Rodrigo Duterte.


Ang sin-o man nga mag pensioners nga wala nakabaton, ang mahimo magreport sa ila mga branches sa tagsa ka lokalidad.

Sa record sang SSS nagapakita nga ang Bacolod City ang may ara sang may pinakadamo nga miembro sa rehiyon, nga 51,857.


Sa masunod nga Biyernes, Marso 10 kag Marso 17, makuha man nila ang nabilin nga tag-isa ka libo ka pesos para sa bulan sang Pebrero kag Marso. / DYHB-Bacolod


 

Facebook Comments