Davao City – Giklaro sa Social Security System kun SSS nga pareho og prehibiliyo sa salary loan ang miyembro nga empleyado ug self-employed.
Sa pakighinabi ni RadyoMaN Misel Miral-Galve kang Greta Quayle sa SSS Davao atol sa tulumanong Serbisyong Straight to the Point, gipasabot ni Quayle nga mamahimong maka-avail sa Salary loan ang miyembro og adunay kini active payment nga unom ka bulan ayha mag-loan.
Dugang pa nga ang kantidad sa pwedeng i-loan magdepende sa ginabayarang bracket nga kontribusyon sa miyembro ug mao kini ang mamahimong basehan sa pag-avail sa salary loan.
Alang sa dugang mga pangutana, mamahimong manawag sa SSS Davao contact number nga 221-7751 o mubisita sa ilang opisina nga nahimutang sa Bajada ning syudad sa Davao.
RadyoMaN Renz Barbarona
