Molave, Zamboanga del Sur –
Pagabuksan na karung adlawa, December 4, 2017 ang Social Security System service office sa Molave, Zamboanga del Sur.
Tumong niini mao ang pag-palapnag og paghatag og mas doul og sayon nga serbisyo ngadto sa mga benepisyaryo, kini sumala pa ni SSS Vice President for Mindanao West Division Rodrigo Filoteo.
Nasayran nga mikabat sa 3,477 ang gi-cate nga transaction sa SSS Pagadian sa matag adlaw. Hinungdan nga dakong tabang ang pagbukas sa usa ka branch sa Molave nga gibana-banang mo-cater og 260,476 ka indibidwal og 793 ka mga commercial establishments, tungod kay duol niini ang walo (8) sa 26 ka mga municipalidad og 221 sa 681 ka mga baranggays sa tibouk Zamboanga del Sur.
Matud pa ni Filoteo nga adunay 70,000 ka mga myembro og pensioners sa SSS ang makabenipisyo sa bag-ong abli nga opisina.
Dugang pa niya nga usa ka ideal site alang sa service office sa SSS ang municipalidad sa Molave tungod kay usa kini ka first class municipality, aduna kini malambuon nga industriya og ubay-ubay usab ang mga operating banks sa nasangpit nga lungsod.
Ang mga serbisyo nga ihatag sa paga-ablihan nga service office sa Molave mao ang pag-issue mga SSS forms, Social Security Numbers ang Employer ID numbers, applications for maternity benefits and salary loans og inquiry and verification of records.
