Davao City – Mamahimong maka-avail ang usa ka Social Security System kun SSS member sa sickness benefits depende sa kontribusyon.
Kini ang gipasabot ni Greta Quayle sa SSS Davao atol sa interview kaniya ni RadyoMaN Misel Miral-Galve sa Serbisyong Straight to the Point.
Sumala sa personahe sa SSS nga kinanglan adunay 1 year minimum sa kontribusyon ayha maka-avail sa maong benepisyo gani magbase ang kantidad nga ma-avail niini sa gihulog nga kontribusyon sa miyembro diin matud pa nga og dako ang kontribusyon, dako usab ang makuha nga sickness benefits
Dugang ni Quayle, og milapas na sa tulo ka adlaw nga nagsakit ang miyembro, anaa man kini sa balay o ospital mamahimo kining mag-file sa maong benepisyo ngadto sa iyang employer kung employed o deretso sa SSS office alang sa self-employed apan sigurohon lang nga adunay certification gikan sa doctor.
RadyoMaN Renz Barbarona
