Davao City – Mamahimo lang ipadayon sa usa ka Social Security System kun SSS member ang iyang kontribusyon bisan pa man nakaundang kini og hulog pila na ka tuig ang milabay.
Gipasabot ni Greta Quayle sa SSS Davao atol sa interview kaniya ni RadyoMaN Misel Miral sa tulumanong ‘Serbisyong Straight to the Point’ nga usa sa mga nakaayo sa SSS mao ang dili ma-inactive ang membership niini bisan dili consistent ang paghulog sa kontribusyon sa miyembro.
Dugang pa nga wala nay kinahanglan isumite nga rekisitos sa mga buot mubalik sa paghulog ug kinahanglan lang mupili sa SSS bracket og unsa lang ang kaya bayaran sa miyembro kada bulan sa SSS contributions.
Samtang gibutyag usab sa SSS Davao ngadto sa mga miyembrong nakaundang og hulog sa kontribusyon sama sa usa ka texter nga nakabayad lang sulod sa usa ka bulan, aduna gihapon kini makuha nga benepisyo sama sa death claim ug funeral assistance.
RadyoMaN Renz Barbarona
