Davao City – Andam na ang mga operatiba sa Sta.Ana Police Station alang sa hugot nga pagbantay sa mga aktibidad atol sa Chinese New Year karogn Enero 22, 2023.
Sa interbyu sa DXDC RMN Davao kang PLT. Col Ronald Lao, Station Commander sa Sta. Ana Police Station, gibutyag niya nga subay sa initial nga panagpulong ipahigayon ang programa sa Rizal Park sa dakbayan isip kabahin sa pagsugat sa bag-ong tuig sa mga Chinese.
Segun ni Lao, walay aktibidad nga himoon sa Chinatown ug magbutang lamang kini og mga dekorasyon ug walay ipatuman nga road closure sa nasampit nga lugar.
Gipasabot sa hepe, aduna pay himoong pinal nga panagpulong sunod semana diin lakip hisgutan ang mga aktibidad.
“Naka alert gihapon ta diri sa Chinatown ug kadtong mga Chinese community nga magtapok alang sa ilang celebration. Willing ta mohatag og deployment sa atong personnel,” sulti ni Lao.
RadyoMaN Don Pulayao
Facebook Comments
