Sa interview sa DXDC RMN Davao kang PLT Col Ronald Lao, Station Commander sa Sta. Ana Police Station, gisulti niini nga kinahanglan nga dunay presensya sa mga pulis sa crime prone barangay aron mapugngan ang mga kriminalidad.
Segun ni Lao, nagpahigayon sab og pagpatrolya ang mga pulis sa 21 ka barangay sakop sa Sta. Ana PNP ug duna nay gimuntar nga Community Police Outpost duol sa crime prone area.
Gidugang ni Lao ngadili tanan barangay ang mabutangan og pulis rason limitado lamang ang mga personahe niini.
Gipasabot sa opisyal nga mas gipakusgan og gitutokan ang pagpatrolya sa mga pulis ngadto sa ilang AOR og magdugang sab og mga patrollers subay sa order ni PBGEN Alden Delvo, Regional Director sa Police Regional Office (PRO-Xl).
“Nanghinaut mi ang ubang barangay official og tanan-tanan under sa atong AOR nga mo-cooperate. Unsay makita, unsay dili maayo gipangbuhat sa mga tawo isumbong nila diri para atong maaksyonan,” sulti ni Lao.
RadyoMaN Don Pulayao
