Davao City – Migawas sa inbestigasyon sa Sta. Ana Police Station nga dunay mag-uyab nga nagbilin sa ilang mga gamit apil na ang fuse box nga dunay mga wiring og dili kini bomba sa JP Laurel Avenue corner Sta. Ana Avenue niadtong Disyembre 28, 2022, segun ni PLT Col Ronald Lao Station Commander Sta Ana Police Station human nahinabi sa DXDC RMN Davao.
Matud ni Lao, ang maong mag-uyab adunay gipalit sa botika niadtong higayona apan wala nila mabantayi nga nabilin ang ilang gamit.
Kahinumduman nga na-alarma ang mga residente sa nasampit nga lugar human nakita ang kadudahang butang nga nakahatag og alarma sa publiko.
Daling gi-cordon sa mga awtoridad ang maong lugar ug sa dihang gihiling, nasuta sa mga sakop sa Explosive Ordinance Disposal (EOD) nga dili kini bomba.
Subling nagpahimangno ang hepe, kung mahimo dili magbilin og mga gamit aron dili ma-alarma ang katawhan.
“Dapat dili nila ibilin-bilin ang ilang mga butang kay matingala ang mga tawo nga naay bag unya mahasol ang katawhan,”sulti ni Lao.
RadyoMaN Don Pulayao
Facebook Comments
