Sa interbyu sa DXDC RMN Davao kang Police Major Kirby Badilles, Chief of Police sa Sta. Maria MPS, giila niini ang suspek nga si Ronald Peter Mariscal, 53 anyos, residente sa Barangay San Agustin ug nagtrabaho sa Office of the Vice Mayor (OVM).
Nakuha sa posisyon sa dinakpan ang 1.5 gramos sa gituohang shabu nga nagkantidad og P22,500.
“Dugay na ‘ni siya nga gina-monitor nato kay sa mga series of operations diri base sa among link analysis, sa ilang revelation, mao gyud ni ang ilahang upline,” saysay ni Badilles.
Kasong paglapas sa Republic Act 9165 o Comprehensive Dangerous Drugs Act of 2002 ang atubangon sa suspek.
Gibarogan sa kapulisan nga wala nila gina-tolerate, bisan ang mga trabahante sa gobyerno sa paghimo og iligal nga aktibidad diin sila manubag gayud sa balaod kung sila malambigit sa ingon.
RadyoMaN Kirby Manzon
