El nuevo hefe del Sta. Maria Police Station 7 Chief inspector rolly Juaquino ta intensifica este tiempo el campaña contra el mga donde-donde parquiada del mga vehiculo privado y de publio na mga camino del su jurisdiccion.
Asegun con Juaquino, desdel tiempo ya sinta le como hefe, el uno del cosa le ya fuede observa amo el bien terrible estado del trapico cadaves llegar el hora de peligro cada dia, porcausa con el mga se llama obstruction del mga vehiculo qoe donde-donde lang ta parquia y amo ta sangga con el mga losdemas que ta pasa na camino.
Si Juaquino aura ta encaveza el implementaccion del “NO PARKING” na maga main thoroughfares del mga barangay de Pasonanca, Sta. Maria, San Roque y Tumaga, donde el monton del mga vehiculo ta pasa cada dia.
Hay impone pena el policia con aquellos quien man paticalas syempre parquia donde-donde y sangga con el corrida del trapico na lugar, si Juaquino ya abla. – *Bhong Simbajon/RMN News*
