Davao City – Dako ang pagtuo sa inahan sa 15-anyos nga dalagita nga dili lamang usa ang responsable sa pagpatay sa iyang anak nga gituohang na tripan ug gisulayan pa paglugos niadtong Disyembre 30, 2018 sa ilang lugar sa Sitio Bato, Brgy. Mamacao, Sta. Maria, Davao Occidental.
Sa esklusibong pakighinabi sa DXDC RMN Davao kang Mary Jean Masocol, inahan sa biktima nga posibleng dunay kauban ang suspek nga si Wangkayu Tribunalo, 18 anyos, sa pagpatay sa dalaga nga si alyas Tin diin imposible kining dili makasinggit kung usa lang ang nagbuhat sa krimen.
Posible sumala nga misukol ang iyang anak diin aduna kini 23 ka mga samad dinunggaban gawas pa sa fractures o mga bali nga nakita sa lawas niini.
Wala usab mituo ang inahan sa biktima nga nang-bully ang iyahang anak hinuon nituo kining gihimo lamang kining alibi sa suspek. Gibutyag ni Mary Jean nga suod sumala pa kaayo sa iyang anak ang suspek diin naga gawas-sulod lamang kini sa ilang panimalay.
Bisan pa man og napasakaan na sa kasong murder ang mi-surrender nga suspek, padayon gihapon nga nanawagan ang inahan sa dalaga sa awtoridad nga madakpan usab ug manubag ang uban pang posibleng mibuhat sa krimen.
RadyoMaN Kirby Manzon, RadyoMaN Don Pulayao
