Maayon, Capiz- Pilason ang tatlo ka mga persona matapos ang mga ini ang ginpangbuno sang mag-amay alas 8 sang gab-e sa Brgy. Balighot, Maayon, Capiz.
Ginkilala ang mga biktima kanday Arnel Degracia y Cervales, 28-anyos kag si Cristitoto Boje y David, 53-anyos nga sa subong ang ginabulong sa Bailan District Hospital samtang ang 42-anyos nga si Richard Degracia y Dangdang ang padayon nga ginabulong sa West Visayas State University Medical Center sa syudad sang Iloilo.
Sa follow-up operation, lunsay naman nga nadakpan sang mga kapulisan ang mag-amay nga suspek nga sanday Jimmy kag Jed Boje nga lunsay mga residente sang Brgy. Balighot. Maayon, Capiz.
Suno sa imbestigador sang Maayon PNP nga si SPO2 Vincent Dumagpi, magka-upod nga naga-inom ang amu nga mga persona sang nagluntad ang pagbinais sa tunga sang suspek kag sa mga biktima. Nagpauli ang suspek nga si Jimmy Boje sa ila poluy-an kag sang pag-abot sini kaupod na ang iya anak. Ginhan-os sini sang buno ang mga biktima gamit ang kutsilyo nga ginkapilas ni Richard Degracia nga pakaisa sang suspek.
Natalana nga kasuhan sang frustrated homicide ang mga suspek nga sa subong ang nakahunong na sa karsel sang Maayon PNP.
Suno sa Maayon PNP, posible nga ginkaakig sang suspek ang pagkomprontar sa iya sang mga biktima angut sa away nila sang iya asawa.
