Roxas City, Capiz- Patay ang isa ka persona matapos nga ginbuno sa Brgy. San Ramon, Pilar ala 1:20 sang kaaganhon.
Ginkilala ang biktima kay Rogelio Obligar y Domingo, 43-anyos sang nasambitan nga lugar nga nag-angkon sang patal nga pilas sa iya tiyan.
Gindala pa ini sa Jesus Colmenares District Hospital sa Balasan Iloilo apang gindeklarar ni Dr. Brady Galo nga dead-on-arrival alas 4:10 sang aga.
Nagaguha sa imbestigasyon sang mga kapulisan nga may nagluntad nga komosyon sa tunga sang biktima kag suspek nga si Archie Quiambao y Barce, 25-anyos ang pang-edaron sang Brgy. San Ramon, Pilar, Capiz nga ginsundan naman sang paggabot sang kutsilyo sini kag ginhandos ang biktima.
Ang nasambitan nga insidente ang nasaksihan mismo sang duha ka mga menor de edad nga nagapadulong sa binaylehan sa plaza.
Sa subong padayon nga atlarge ang nasambitan nga suspetsado makaligad ini ang hinali nga nagpalagyo sang makomiter ang krimen. Hinubog kag indi paghangpanay ang ginatudlo nga kabangdanan sang insidente.
