Davao City – Iagi’g porsyento o tagi-tagi nga pagtunol ngadto sa mga empleyado inay i-delatar ang 13th month pay-out.
Kini maoy lantaw ni Councilor Danilo Dayanghirang, chairperson of the City Council Committee on Finance, Ways and Means sa 19th City Council.
Sa ingon niini matud sa konsehal adunay madawat ang mamumuo bisan man lang pamugas sa iyahang pamilya.
“Pweding by posyento siguro hangyo-hangyo lang, pweding madelatar ang 50%, pwedi i-release ang 25% tapos ang uban i- staggered nalang. Usa ni ka option para dili kaayo mabigla kay kung biglaon nimo wala naman puy maadtuan ang kumpanya kay wala may kita,” sumala niini.
Gibutyag ni Dayanghirang, angay ikonsidera usab ug sabton ang mga distressed companies nga labing apektado sa pandemya partikular niini ang anaa sa sektor sa turismo, mga hotels ug anaa sa sektor sa transportasyon.
Apan gitataw ni Dayanghirang katong mga kumpanyang arang-arang na ang sitwasyon kinahanglang itunol gayod ang benepisyong pinansyal alang sa ilahang mga trabahante.
RadyoMaN Aimee Guinita
