Tungod niini, nagdeklara na og State of Calamity ang Local Government Unit (LGU) Tagum City tungod sa dengue outbreak.
Sa datos sa City Epidemiology Surveillance Unit (CESU), anaa sa 1,054 dengue cases ang natala sa Tagum gikan Enero hangtud Nobyembre karong tuiga, 2023 diin siyam (9) ang natalang namatay.
Sa pagkakaron, gipakusgan pa sa Tagum City Health Office (CHO) ang kampanya batok dengue pinaagi sa 5S strategy nga mao ang musunod:
1) Search and destroy mosquito breeding sites;
2) Self-protection o paggamit og insect repellents;
3) Seek early consultation sa pinakaduol nga health care facility;
4) Support fogging, spraying, and misting sa hot spot areas; ug
5) Sustain hydration.
Pahimangno sa lokal nga panggamhanan sa Tagumenyos nga mahimong alerto kanunay ilabi na nga walay gipiling panahon ang maong sakit nga peligro sa mga residente.
RadyoMaN Kirby Manzon
