Nasayran nga mokabat na sa 40,000 ka mga residente gikan sa 10,000 ka pamilya ang nahimong apektado sa nahitabo nga linog sa Tarragona, Davao Oriental.
Matud ni Kapitan Fiel Bulaong, Incident Commander sa Incident Command Center Tarragona nga mokabat sa 10 ka Barangay ang apektado sa linog, 87 ka balay ang totally damaged ug kapin 300 ka mga balay ang partially damaged.
Gawas niana, daghan ang nga eskwelahan, simbahan, ug uban pang government infrastructures ang naguba tungud sa linog ingun mga aftershocks.
Samtang gideklara nga walay samdan apan nagpabiling duha ang gideklara nga namatay, usa ang giatake samtang padulong sa balay tambalanan sa Mati City ug usa ang admitted sa Davao Oriental Provincial Hospital sa Mati City nga gikan sa Barangay Cabagayan, Tarragona.
RadyoMaN Bien Abanos
