Statement ni Gov. Jubahib dili makatarunganon sumala sa NORDECO

Davao City – Nagtuo ang Northern Davao Electric Cooperative, Inc. (NORDECO) nga bias ang pamahayag ni Davao del Norte Governor Edwin Jubahib sa pag-promote sa giingong private interest sa Davao Light and Power Company kun DPLC ug sa iyang gipanumpaan nga suportahan ang rural electrification program sa gobyerno nga naimplementa sa NORDECO.

Kini ang tubag sa electric provider sa pamahayag nga gipagula sa Gobernador niadtong May 1, 2023 human sa gihimong rally sa NORDECO.

Matud pa, dili makatarunganon nga ginabalewala ni Gov. Jubahib ang ilang pagpaningkamot ug serbisyo alang sa katawhan sa nasangpit nga probinsya.

Gikadismaya sa NORDECO nga daw murag wala gikunsidera sa Gobernador nga daghang mga trabahante ang maapektuhan sa iyang padayon nga pagsuporta sa pribadong interes sa DLPC gani nagtuo ang buhatan nga usa lang kini ka taktika ni Gov. Jubahib aron matabunan ang kakulangon sa opisyal nga maghatag og panginabuhian o livelihood programs sa katawhan sa Davao del Norte.

Kahinumduman nga naglusad og rally ang NORDECO niadtong May 1, 2023, Labor Day isip hugot nga pag babag niini sa DLPC expansion ug ang ilang panawagan sa Gobernador nga respetuon ang ilang franchise.

Lovely Epifanio, DNSC-BACOMM Intern