Davao City – Gihatagan og katin-awan sa Mindanao Development Authority (MinDA) ang report gikan sa opisyal sa Department of Public Works and Highways (DPWH) 11 nga madelatar ang paghuman sa 1.34-kilometer Bucana Bridge.
Sa official statement nga gipagula sa bag-ong MinDA chairman nga si Leo Tereso Magno, dili accurate ang giingong pagka-delay sa paghuman sa maong proyekto ngadto sa 2026, inay sa original niining target date nga November 2025.
Matud ni Magno nga personal siyang gisultihan ni DPWH Undersecretary Emil Sadain nga anaa na sa 20% ang completion sa proyekto, nga gisugdan sa second quarter sa 2024 ug target nga mahuman sulod sa 18 ka bulan.
Gipaniguro usab sa DPWH nga walay interruption nga mahitabo diin secured na ang pondo gikan sa China Eximbank alang sa naasoy nga proyekto.
RadyoMaN Kirby Manzon
Facebook Comments
