Davao City – Mapasalamaton sa DepEd ang Sovereign Tribal Council for Peace and Development of the Philippines sa hingpit nga pagpasara sa Salugpungan schools.
Sumala ni Datu Sondijan Sumandang nga nagmaya ang tribu sa desisyon sa DepEd nga sirhan ang mga Salugpungan schools tungod kay makalingkawas na sa pagpanglingla ang mga kabataang lumad.
Matud niini nga labihan ang ilang mga kabalaka nga mawala ang kultura sa tribo nga matinahuron tungod kay sa Salugpungan schools ang mga kabataan gitudluan nga masuko sa kagamhanan hasta sa mga tribal leader nga dili makig alyado sa komunista.
Nipasalig ang STCPDP nga makig alayon sa DepEd aron kahatagan ug alternatibong edukasyon ang lumad nga apektado sa pagpasara sa Salugpungan schools.
RadyoMaN Erin Lumosbog
