Isa ka babayi nga newly identified drug, nadakpan sa buy bust operation pasado alas-8, kagab-e sa Highland Hills Subdivision, Brgy Granada, syudad sang Bacolod.
Ang suspek amo si Jobelle Derla, 35 years old, residente sang Prk Abada Eskay, Brgy Vista Alegre, Bacolod City.
Nakuha gikan kay Derla ang apat ka sachets sang suspected shabu nga may market value nga kapin sa 5,300 pesos.
Ang suspek ang sa karon detained sa lock up facility sang Police Station 5.
POLICE STATION 2 BUY BUST
Dakup ang isa ka Street Level Drug Target, sa buy bust operation sang Police Station 1, sini lang nga hapon.
Ang suspek amo si Christian Mark Cuadra, 20 anyus, isa ka street level target, residente sang Purok Sigay, Barangay 2, syudad sang Bacolod.
Dakup man ang mga upod ni Cuadra nga sanday: Mark Ricopuerto, 28 anyus kag Christopher John Filoteo, 22 anyus, residente, tanan residente sang amo man nga lugar.
Narecover sang kapulisan ang pito ka sachets sang suspected shabu nga nagabug-at sang 12 gramos kag may market value nga 180 mil pesos.
SILAY CITY BUY BUST
Kapin sa 120 mil pesos nga balor sang suspected shabu ang na-recover sang otoridad sa buy bust operation sa Barangay Mambulac, syudad sang Silay, kahapon.
Ang mga suspek amo sanday Cristan Pegaris, 32 anyus, residente sang Barangay Mambulac kag Emmanuel Junsay, 22 anyus, residente naman sang Barangay Guinhalaran, Silay City.
Nakuha gikan sa subject nga si Pegaris ang lima tanan ka sachets sang suspected shabu nga may market value nga kapin sa 120 mil pesos.
Suno sa Silay PNP si Pegaris ang madugay na nga gina-surveillance sang kapulisan apang kahapon lang na-TIMINGAN nga nadakpan samtang ang iya kaupod nga si Junsay ang nakuha-an naman sang sulpak kag 2 bala lang 12 gauge shotgun.
