Davao City – Kinahanglang imbestigahan ang giingong 20 porsyento lang ang mipadulong sa gobyerno nga kita samtang ang dakong koleksyon tua sa ‘gambling lords’ gikan sa Small Town Lottery (STL).
Sumala ni criminal lawyer Atty. Leonard Cagatin, bisan pa og balido ang operasyon sa STL sa gobyerno kung tinuod ang maong alegasyon ni Philippine Charity Sweepstakes Office (PCSO) Board of Director Sandra Cam, angayan nga imbestigahan ang maong anomaliya. Gipasabot usab ni Cagatin, ang operasyon sa STL dunay pagtugot sa kagamhanan subay sa ilang kasabutan mahitungod sa pagbahin sa kita tungod kay aprobado kini sa PCSO.
Supak si Cagatin sa sugyot nga wagtangon o balasahon ang maong buhatan kundi hulipan lang ug mga tawo nga dili korakot tungod kay makatabang usab ang kita niini.
RadyoMaN Bernard Pantallon
