Dipolog City-Daghan karon ang naglaom dinhi sa dakbayan sa Dipolog nga mabalik na usab ang operasyon sa STL nga kung diin taod-taod na usab kining nasirado human gimando ni Pang. Duterte ang temporayo nga pag sirado.
Niadtong Setyembre 1, 2019 balik na ang operasyon sa Small Town Lottery sa 39 ka mga lugar sa tibuok nasud.
Matod pa ni Philippine Charity Sweepstakes (PCSO), human mahatagan ug otorisasyon ang 32 ka Authorized Agent Corporations o AACs o mga Authorized STL Agents aron maka operate pag balik.
Matod pa nga nasunod nila ang kondisyon nga gitakda sa PCSO partikular na ang pagbayad ug Cash Bond nga tulo ka bulan nga share sa PCSO sa Guaranteed Minimum Monthly Retail Receipts (GMMRR).
Mo abot sa 1.75 bilyon nga cash bond ang nakolekta sa PCSO. Naka kolekta usab ang PCSO ug P102.27 milyon gikan sa under-remittance sa mga STL operator ug 65.34 milyon para sa Agosto 1 hangtod agosto 20, 2019
Mao kini ang listahan sa mga lugar kung asa balik na ang operasyon sa STL
• Agusan del Sur
• Basilan
• Cagayan de Oro City
• Compostela Valley
• Cotabato City
• Davao City
• Davao del Sur
• Misamis Occidental
• Misamis Oriental
• North Cotabato
• Sarangani
Matod pa sa PCSO, ang pagbalik sa STL operation maayo kini nga balita sa libuan ka mga supervisors ug representative nga naka depende sa STL para sa ilang source of income.
Matod pa ni Ms Gina usa sa mga representative sa STL dinhi sa dakbayan, sukad nga nasirado ang STL diri sa Dipolog, medyo nagkalisod sila kay bugtong ilang gisaligan sa pang adlaw-adlaw nga kinahanglanon gikan sa sweldo nga makuha nila sa STL.
Naglaom si Ms. Gina sa dili madugay malakip na sa listahan ang Dipolog nga mabalik ang operasyon sa STL.
