STL ga operate na sa Butuan, pang-patay sa illegal swertres

Pormal nga gibuksan ang Small Town Lottery (STL) sa PCSO dinhi sa dakbayan sa Butuan, ug gilauman nga kini pang-patay sa walay kasulbaran nga illegal swertres.

Pamahayag ni Mrs. Gloria YbaƱez, Mindanao Development Manager sa PCSO nga ang Provident Marketing and Mobile Enterprise Corporated maoy ika-16 nga Authorized Agent Corporation (AAC) nga gi-aprobahan sa PCSO aron mo-operate sa STL sa tibuok syudad.

Si Mrs. Gloria YbaƱez ang Mindanao Development Manager sa PCSO kinsa maoy nanguna sa launching kagahapon sa STL, ang draw court sa maong sugal nahimutang sa Brgy. Limaha ning dakbayan sa Butuan.


Niya pa nga ang STL ang pamatay sa illegal nga sugal sama sa mga masiao ug kining ilegal swertres nga nag-agad gihapon sa resulta sa PCSO draws.

Gawas nga ang STL usa sa mga tinubdan sa pundo sa Philippine Charity Sweepstakes Office (PCSO) alang sa mga charitable programs niini diin daghan ng mga kabus ang natabangan sa PCSO ilabi na sa ilang medical assistance ug hospitalization.

Adunay sab commission ang LGUs, kapulisan, distrito ug ang Kapitolyo sa kitaon sa STL. Kini ang gibutyag ni Matias Esponlaon, Jr. , Technical Assistant Designate sa PCSO.

Si Matias Esponlaon, Jr. , Technical Assistant Designate sa PCSO labot na sa madawat nga commission sa LGUā€™s, PNP ug CIDG gikan sa kita sa STL.

Nahibaloan nga ang draw sa STL himoon kini katulo sa usa ka adlaw susama sa suertres.

ā€‹

Facebook Comments