Arestado sa ginpatigayon nga buy-bust operation ang ginakabig no. 1 drug personality sa banwa sang Surallah sang gintingob nga pwersa sang Philippine Drug Enforcement Agency (PDEA 12),Surallah Municipal Police Station kag South Cotabato Police Drug Enforcement Unit (SCPDEU) sa bahin sang Sitio Morales, Brgy. Centrala, Surallah, South Cotabato pasado alas 5:30 sang hapon sang Oktubre 1 subong nga tuig.
Ginkilala ang suspek kay Rhodeline Morales, alyas Kwatog, 41-anyos, STL operator kag residente sang nasambit nga lugar.
Nadakpan ang nasambit nga suspek matapos magpasugot nga magbaligya sang shabu sa PDEA Agent nga nagpakilala nga poseur buyer kambyo sang P500.00 marked money.
Ang nasambit nga suspek ang watch-listed drug personality base naman sa intelligence workshops nga ginpatigayon sang law enforcement agencies kag nagaisahanon nga nabilin nga target sa banwa nga aktibo sa gihapon sa illegal drug market sa banwa.
Sa subong ang suspek ang nakadetine sa PDEA 12 Detention Facility kag magapangatubang sang kaso nga pagbayolar sa Section 5 (Sale of Dangerous Drugs) sang Article II sang Republic Act 9156.
photo by: PDEA 12
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
