Davao City – Patay ang usa ka Jhonyl Villaflor, 29 anyos, residente sa Purok 4 Syphon, feeder road 1, Brgy. Tibal-og, Sto.Tomas, Davao Del Norte, human kini gipusil sa usa ka Danny ug laing wala pa mailhing suspetsado nahitabo ala-1:27 sa kadlawon sa milabayng adlaw.
Migula sa imbestigasyon nga alas-10:00 sa gabii sa Pebrero 22 nga miabot ang duha ka mamumuno sa maong lugar dayon sulod sa kwarto sa biktima dayon sibat sa wala matino nga direksyon.
Saysay sa live-in partner sa biktima nga si Kharen Labajo, 31 anyos, nga nakadungog kini og butho sa baril gani sa iyang pagsuta nakita niini ang nagbuy-od nga lawas sa biktima sa salog kansang dunay pinusilan sa ulo nga bahin.
Gisulayan pa og dala ang biktima sa Kapalong District Hospital apan deklaradong dead on arrival sa doktor.
Narekober sa crime scene ang duha ka basyo sa .45 kalibre sa armas ingon man mga illegal drug paraphernalia.
Sa pagkakaron gidala na sa Escriba Funeral Parlor ang patay’ng lawas sa biktima samtang gilantaw sa awtoridad ang pagkalambigit sa iligal nga droga ang motibo sa pagpatay niini.
RadyoMaN Jason Amisola
