GENERAL SANTOS CITY- Gipamatud an ni Donesio Hectin ang Provincial manager sa NFA Gensan-Sarangani nga gawas sa bag-ong distribution scheme nga gipatuman, wala silay laing paagi aron mapun-an ang nagkakulang nga stock sa NFA rice nga nabilin karon sa ilang bodega.
Dugang butyag ni Hectin dili sila makapamalit ug palay gikan sa mga mag-uuma tungod ang buying price sa NFA anaa lang sa P17/ kilo nga dili maka-apas sa buying price sa mga rice traders. Dili matud pa basta-basta makapataas diretso og presyo sa pagpalit og palay tungod kinahanglan pa kining aprobahan sa NFA Council.
Samtang, nagpahimangno karon ang Gensan Consumer Welfare Council sa publiko batuk ngadto sa mga gapanglinla sa ubang mga tawo kalabot sa bugas. Matud pa ni Baby Rodriguez, aduna silay nadawat nga report nga adunay gabaligya ug bugas sa kantidad nga P1800 ang matag sako. Gibutyag niini, ang modus nga muadto sa mga barangay ang mga gapangilad og dayun kung makumbinsi ang ilang baligyaan ug bugas dungan sa pagkuha na sa bayad, magpakaaron-ingnon nga kuhaon matud pa ang bugas sa sakyanan apan dili na mubalik.
Gawas niini, sa palengke usab adunay mga gibaligya nga sinako sa bugas nga kulang sa timbang mao ng angay matud pa nga bantayan.
Unsa man ang imuhang opinyon kabahin niini bestfriend?
For more info’s and updates, like and share our official facebook account www.facebook.com/ifm91.9Gensanofficial/
