Davao City – Gilungkab sa mga wala mailhing suspetsado ang usa ka stockroom sa Purok 4, Brgy. Baybay, Malalag, Davao del Sur bandang alas 10 sa buntag niadtong adlawng Lunes ug gipangkuha ang stocks niini.
Sa report gikan sa Davao del Sur Police Provincial Office, giila ang biktima nga si Shiela Mae Andujar Simbahon, HR Manager sa Malalag Bay Aquaculture and Processing Corporation (MBAPC) ug residente sa nasangpit nga lugar.
Dugang sa report nga pugsanong gisulod matud pa sa mga wala mailhing suspek ang stockroom nga ginama sa kawayang “Kalakat” ug nakuha didto ang 50 bags sa crumble aqua feeds ug 5 ka bags sa grower aqua feeds nga adunay kantidad nga 34,090 pesos.
Samtang ginapangita na sa kapulisan karon ang mga suspetsado.
Jochard Sevilla, UIC intern
